व्यासपीठ

२००८ मध्ये मार्व्हल सिनेमॅटिक युनिव्हर्समधील पहिला ‘आयर्न मॅन’ सिनेमा रिलीज झाला. मार्व्हलच्या इंटरगॅलॅक्टिक पसाऱ्याला सुरूवात झाली. पृथ्वीसहीत सुदूर प्रांतातील मंडळी एका कॉमन उद्देशासाठी झगडतात. पण जोपर्यंत या मंडळींना आपला मुख्य शत्रू कोण आहे हे लक्षात येत नाही तोपर्यंत ते छोट्या छोट्या संकटांवर मात करण्याचा प्रयत्न करत असतात. थॅनॉसचं अस्तित्व समोर यायला लागतं तसं एकेक करून सर्व सुपरहिरोज एकत्र येतात आणि त्याचा खात्मा करतात. मात्र यासाठी मार्व्हल स्टुडिओजनी अकरा वर्ष घेतली. या सर्व सुपरहिरोजच्या कथा, पार्श्वभूमी, टाइमलाईन, अस्तित्वाचा उद्देश अशा बऱ्याच गोष्टींनी भरलेल्या होत्या. त्यामुळे मार्व्हलच्या पसाऱ्याची आंतरबाह्य ओळख प्रेक्षकांना झाली. पण या सर्व फिल्म्स व सिरीज हे मार्व्हलच्या फेज एक ते तीनमध्ये घडणारे होते. प्रश्न असा होता अॅव्हेन्जर्स एंडगेम नंतर मार्व्हलच्या पसाऱ्यात पुढे काय वाढून ठेवलंय. त्याचं उत्तर ‘द फाल्कन अँड द विंटर सोल्जर’, ‘वांडाव्हिजन’ आणि ‘लोकी’ सिरीजमध्ये बघायला मिळतं. अॅव्हेन्जर्स एंडगेममध्ये कॅप्टन अमेरिका, अँट मॅन आणि आयर्न मॅन भूतकाळात अव्हेन्जर्सच्या (२...