व्यासपीठ

हिंदी व्यावसायिक सिनेमात नृत्य आणि संगीत याचा सिनेमाच्या सुरुवातीच्या काळापासूनचा संबंध. एकवेळ कथा, कथानक, संवाद, अभिनय इत्यादी गोष्टी कमी आणि दुय्यम असल्या तरी चालतील पण कर्णमधुर संगीत, उत्तम नृत्य बसवलेली गाणी हवीतच. ही गाणी सिनेमाच्या आशयात मुरली नाहीत तरी चालतील पण ती हवीच. गेल्या कित्येक दशकांपासून हे चालत आलेलं आहे. नुकत्याच प्रदर्शित झालेल्या एबीसीडी २ या पहिल्या एबिसीडीचा (२०१३) पुढील भाग असणाऱ्या सिनेमात वरील बऱ्याच बाबी अधोरेखित झाल्या आहेत. पुढील भाग म्हणजे पहिल्या भागाचा सिक्वल असेल असा अंदाज केला असेल तर चित्रपटकर्ते तो फोल ठरवतात कारण दोन पात्र पहिल्या भागातली असली तरी ही कहाणी त्यांची नाही. सुरेश (वरूण धवन) आणि विनी (श्रद्धा कपूर) हे हिप हॉप या पाश्चात्य नृत्य प्रकारात स्वतःचं आयुष्य घडवणारं जोडपं. त्यांचा एक डान्स ग्रुप आहे मुंबई स्टनर्स नावाचा. ते हम किसी से कम नहीं या टीव्हीवरच्या रिअॅलिटी डान्स शोमध्ये भाग घेतात. तिथे त्यांचं सादरीकरण होतं. परीक्षक त्यांनी फिलिपिनो ग्रुपचा अॅक्ट जसाच्या तसा कॉपी केलेला असतो म्हणून त्यांना चिटर्स ठरवून स्पर्धेतनं बाजूला करतात....